Azaroaren 22an, larunbata, Fiare Emakume Taldearen lehen topaketa presentziala izan da Madrilen. Ekimen horren helburua Banca Etica Taldearen ekosistemaren barruan espazio propio gisa finkatzea da. Estatuko hainbat lurraldetatik etorritako hogeita hamar emakume baino gehiago joan ziren konexio, elkarrizketa eta eraikuntza kolektiboko jardunaldi horretan parte hartzera. Topaketarako eta elkar ezagutzeko gune bat izateaz gain, saioak aukera eman zuen 2026rako interes komunak, lan-lehentasunak eta ekintza-ildo posibleak identifikatzeko bidean aurrera egiteko. Parte-hartzaileek beren esperientziak partekatu zituzten lurralde-taldeetan, eta Taldearen partaidetza-guneetan emakumeen presentzia, parte-hartzea eta lidergoa indartzeko proposamenak aztertu zituzten.

Ekimen hau Banca Etica Taldearen 2025-2028 Plan Estrategikoaren barruan kokatzen da, eta Espainia Eremuaren helburuetako bat da lurralde-taldeetan emakume bazkide gehiago aktiboki sar daitezen bultzatzea. Fiare Emakume Taldea, hain zuzen ere, helburu horretan laguntzeko sortu zen, eta hausnarketa eta proposamen eraldatzaileak bultzatzeko espazio horizontala eta feminista sortzeko.

Joan den larunbateko topaketa beste urrats bat da, aurten garatzen ari den prozesuan. Urrian, lehen talde batek Sevillan egindako Ekonomia Feministaren IX. Kongresuan parte hartu zuen, eta ekonomia bidezkoagoak eta zaintzaileagoak eraikitzeko esperientziak, kezkak eta ikaskuntzak partekatu zituen.